СуперХерој #7 - Challenger

СуперХерој #7

Серијал за нашите СуперЕкоХерои

СуперХерој #7

Претстави ни се во една реченица.

Јас сум Мартин Стоименов, дигитален маркетер во Солвео, авантурист со претприемачки дух и секогаш отворен за иновативни идеи.

Како изгледа твоето секојдневие?

Мини утринска рутина, пешачење до работа, прво кафе и старт со дневни обврски. После работа најчесто одвојувам 2 саати за дружење некаде надвор, останатиот дел го пополнувам со читање, музика или добра серија.

Која е твојата животна мисија?

Креирање иновативни продукти и развивање на успешни стартапи, кои покрај финансиска слобода ќе носат огромни бенефити за општеството во кое живееме.

Кое е твоето примарно превозно средство?

Моите долги нозе. Шега :). Најчесто пешачам, по потреба за подолги релации користам автомобил.

Колку километри неделно поминуваш пешки или пак на велосипед?

 Би рекол, некаде околу 25-30 km пеш и 10 km на велосипед.

Што е тоа што те мотивира да возиш точак/пешачиш дури и кога е ладно?

Прво, мојата работа која вклучува целодневно седење. Потоа, потребата за исфрлање вишок енергија и генерирање нови идеи. Last but not least, не сакам да сум заглавен во сoобраќај и не сакам да БИДАМ причинител на истиот.

Имаш ли желба да дознаеш, или пак да ги запознаеш луѓето кои исто како и ти сакаат да направат промена?

Секако, луѓето кои имаат идеи за промени во општеството и ПРЕВЗЕМААТ нешто за да ги донесат идеите во пракса, се оние на кои треба да се темели една заедница. Секојдневно поминувам време со такви луѓе, а би сакал да запознаам уште повеќе.

Го прифаќаш ли предизвикот да станеш дел од Challenger заедницата и заедно да донесеме промени во нашиот град?

Со задоволсто. Се почнува со еден човек, една идеја, еден чекор.